Trend in Clothing

هبة بتحبّ تلبس لِبس مرتَب، بس ابداً ما كانت تتوقع إنها تصير “ترند”، هي أصلاً ما بتشتري كتير اواعي، بس بتعرف
تلبّق
بِطريقة حِلوة.
مَرة لبست جاكيت من أيام ستي مع بنطلون واسع ونسّقَت عليهم شال برجندي، وعنجد طلع اشي
سفاح
ونار، في كتير بنات سألوها عن لوكها، بالبداية انبسطت، بس بعدين صارت تحسّ إنها مُراقبِة، كأنه كل لبسة وحركة
مَحسوبين عليها بالملّي.
مرة كانت مِستعجلة لأنها مِتأخرة على مُحاضرتها وما عبّرت حد بالطريق، صاروا كلهم يتفرجوا عليها كأنها شايفة حالها و
يا ارض اشتدّي ما حدا قدّي،
هاد الاشي سَببلها ضَغِط وقد ما حاولت تبيّن إنها مش مِهتمة بس الناس ما بترحم.